| 返左差唔多成個月工，就出左半個月糧， 雖然果度唔算話係好多錢，不過一有錢就身痕， 不過因為要儲錢，所以Ｄ錢唔可以亂用， 只可以講既係，真係岩岩夠洗，但唔可以怒洗， 每用一蚊都要諗過度過，有時聽到人講無錢洗呀， 聽到之後好得意，唔係無錢洗～只係唔夠洗姐， Ｄ錢亂咁用，常然係唔夠洗啦， 有得洗錢，洗到盡，就會講我無錢洗呀， 所以，要計劃點樣用錢去令自己開心，都係一個學問， 無論錢多同錢少，對我黎講平有平洗，貴有貴洗姐， 平有平開心，貴有貴開心姐～！常然～！ 有時洗錢既情況未必由你控制得到， 但係～首先就無錢洗就唔好出咁多街， 另外，應該要學識點樣理財，姐係儲錢，或者賺多Ｄ錢， 最近想買返部ＰＳＰ，因為之前唔見左， 不過因為唔咁亂洗錢既關係，所以依家仲考慮緊買唔買， 唉～雖然價錢都係千二蚊，不過囡囡就有Ｄ反對， 所以遲Ｄ要儲多少少錢去將ＰＳＰ落入我手～！ 因為我真係好鬼好鬼鐘意打機架～ 人生三樣鐘意既事～！打機，聽歌，同埋陪囡囡～！ |
| |
| 唔經唔覺就返左十四日工了， 依家都開始習慣左返工既生活， 返工既時候，都會有好得閒既時候， 不過依家既我，我覺得仲有好多野要學， 例如係要記產品既價錢，線既長度等等， 呢幾日都有同幾位朋友出黎飲下野同埋傾下計， 大家都係傾下最近發生ｄ咩事，同了解下我工作係點， 希望可以快ｄ出糧啦，因為我想請一ｄ朋友仔食飯， 同埋想用自己搵到既錢去買一ｄ自己好鐘意既東西， 不過我估計今個月出既糧都唔會多得去邊， 所以要諗下我今個月應該買ｄ咩好， 可能都係會維修返部ｎｄｓｌ同埋買一部ｐｓｐ， 因為我好鐘意打機，所以我好想買ｄ手提機出黎玩下， 有時返工既時候就可以玩下。 因為依家做緊耳筒專門店，所以有ｄ衝動想買隻好ｄ既耳筒， 但係買耳筒既話，我就要買多部ｍｐ３，又要用錢， 如果可以俾我選擇既話，我會買部手提遊戲機好過了。 返工既感覺真係有好有唔好，有時候放工覺得好累， 有時候打得一陣機就話要訓覺了，唉～ 但係如果無搵錢既話，我就覺得無錢洗， 不過我覺得用錢買一ｄ自己想玩既東西， 又會係另外一種享受，唔講咁多了，話晒都係返緊工， 要做野囉，有時間再分享下～～ |
| |
| 返左工之後所有野都唔同左， 要一段時間去適應返工之後既生活， 運用時間方便真係要好小心， 對我黎講有足夠既睡眠同埋睡眠質素好動要， 因為如果呢兩樣野都唔好既話，精神都會唔好， 精神唔好既話姐係要捱眼訓，咁樣對皮膚唔好， 所以訓覺對我黎講好重要，基本上， 對我黎講最好就係訓夠八個鐘，最少四個鐘， 不過～！四個鐘既話果日就會辛苦好多， 雖然一日半日無咩問題，但係有第一次既出現， 之後就會有第二次，第三次～ 所以我盡量唔想有呢個情況出現。 返工所以既精神真係比平時唔同， 無論係點樣無野做，或者工作量比較少， 但係都係比平時累，原因係咩？我仲諗緊。 突然間有好想結婚既衝動， 可能係想放工之後又可以返屋企，又可以見囡囡， 如果結婚既話，呢個問題就可以解決， 不過結左婚之後就會少左機會出去玩， 因為話晒自己都有頭家～不過依家想去玩既應覺少左， 可能個人真係好想好好咁休息一下～ 依家好期待下個星期果一日假， 今個星期我無放假，因為我想儲一日假， 等第時有咩事可以一星期放兩日，個人會開心Ｄ， 不過開心之前原來係有Ｄ辛苦， 連續返工，真係有Ｄ呆架，原來有一日假係好開心， 所以返五日工既話果兩日假簡直係極品！ 希望下個星期一或二可以放到假，想叉叉電， 依家先知道，日日返工真係有Ｄ難度架， 希望快Ｄ到下個星期啦～我要放假！哈哈哈～ 囡囡～我終於明白你講咩啦～～～～ |
| |
| 今日放左工就同囡囡食晚飯， 去左美心ＭＸ打邊勞同据牛手八， 今次同佢食飯既時候，令我有一Ｄ傷心既感覺， 我對住佢，見到佢真係心情好矛盾， 我見到佢個人好累了，眼開始細了， 我送佢走既時候，佢好唔開心咁既樣， 當時我真係心情低落，因為我返工既時候同佢唔多配合， 所以我發現同佢見面既時間可能會好少～ 另外，我係輸休既關係～所以星期六同日都要返工， 平時都會星期六日見面，依家連呢個機會都無埋。 返工左之後真係有好大既改變，無論個人既身心都唔同左， 時間控制上，都有好大既分別，其實之前自己都有諗過， 但係實際上既感覺比起自己之前諗既都有好大分別～ 依家開始同囡囡要有個適應期，有Ｄ辛苦。救命～ 其實係咪自己有問題？定係我睇到既野唔夠遠同寛～？ 講真～我既性格同現實社會有好大既衝突， 咁係咪代表我要去改善自己既善格？～ 我成日都講～我好唔滿意依家既環境， 但係～！現實就係咁樣架啦，希望可以睇開Ｄ， 不過～我又覺得現實社會好得意～每一樣事情都可以發生。 有時我諗緊，人既生存為左Ｄ咩？我送囡囡返屋企既時候， 見到右手邊既巴士有人坐o係度訓著左， 我問緊自己，點解搞到自己咁累？為乜？！ 我自己答自己，搵多錢囉，改善自己生活囉， 雖然係改善左自己既生活，但個人係咪會唔開心左，大壓力左？ 到底為乜～？！因為每個人都要食飯～每個人都想住得舒服Ｄ， 你開心Ｄ，搵小Ｄ錢，定係搵多Ｄ錢個人無咁開心，有壓力？ 我依家都唔知～定係工作狂？我相信大部份既人都唔鐘意做野～ 最後，我真係好多野都唔明， 依家一路諗一路訓，聽日起身再返工， 今日心情，心痛＋傷心，我想囡囡多Ｄ休息呀T^T |
| |
| 終於搵到新工作了~!但係份工好矛盾~ 今次搵工呢份工係做售貨員，姐係sale.. 其實sale對我黎講都算係唔錯，不過.. 時間方面我就唔係太喜歡～因為係輪休， 如果輪休既話，我返教會既時間就會少左好多， 之前做左份文職～唔夠三日就無做了， 唔通～我唔適合做文職既工作？唉～ 不過做文職既工作，成日坐定定，個人好似呆左ｄ， 做ｓａｌｅ有時可以發下呆，有時可以吹下水， 工作量其實又唔係話好多，但係人工就．． 另外做ｓａｌｅ點先可以發到圍，搵到下錢， 我依家仲未諗到，不過當然有發圍既空間， 行行出ｘ員，唔鬼記得點打，所以應該ｏｋ既， 不過囡囡分工就五日工作，我都好想搵份咁既工， 時間方面可以配合到佢。其實有諗過做政府果ｄ文職， 不過果ｄ就真係無得發圍，最好彩就俾你真係做公務員， 依家唔理咁多了，搵住個錢旁下身先，起碼夠基本洗費。 有時條氣真係唔多順～雖然副學士唔係咩咁巴閉， 但依家做既野，同中五畢業有咩分別．真係唔知道～ 不過～起碼有工作既經驗，第時做大公司會有一定幫助， 我依家就係等緊有咩大公司請人～！最好係ＭＴＲ！ 依家真係好等住有電話黎叫我面試，之前ＳＥＮＤ左信， 希望快Ｄ有電話啦，大公司呀．快Ｄ打黎～ 可能個人心急，不過點都好～一開始一定要捱～！ 我好希望之後既日子，神可以俾到我一份好好既工作～ 對於依家既我，講真，真係好唔滿意～好唔鐘意～ 咬緊拳頭 不怕捱 青蔥歲月會跑得很快～好鐘意呢句～！ 好感觸．Ｔ＾Ｔ |
| |
